X
Օգտագործման կանոնների վերաբերյալ համաձայնագիր
1. Ընդհանուր դրույթներ
hospitals.am-ը /այսուհետ` նաև Կայք ինտերնետ ռեսուրս է, որն իրենից ներկայացնում է հարթակ` Բժիշկների և Օգտատերերի շփումն ապահովելու համար: Կայքը չի հանդիսանում բժշկական ծառայություններ մատուցող կազմակերպություն, այլ միայն հարթակ՝ Բժիշկների և Օգտատերերի շփումն ապահովելու համար: Կայքի միջոցով Բժիշկների կողմից համապատասխան վճարի դիմաց տրամադրվում է ինֆորմատիվ, ուղղորդող բնույթի տվյալներ:
Կայքը Բժիշկների և Օգտատերերի շփումն ապահովելու համար նախատեսել է նամակ, զանգ և տեսազանգ հնարավարությունները:
2. Օգտագործվող հիմնական հասկացություններ
Կայք` ինտերնետային ռեսուրս (վեբ կայք և բջջային հավելվածներ)/հարթակ/ Բժիշկների և Կայքի Օգտատերերի շփումն ապահովելու համար:
Բժիշկ` ֆիզիկական անձ որը ունի համապատասխան մասնագիտական կրթություն և անհրաժեշտ թույլտվություններ Կայքի միջոցով համապատասխան վճարի դիմաց Օգտատերերին ինֆորմատիվ, ուղղորդող բնույթի տվյալներ տրամադրելու համար, և որպես Բժիշկ գրանցվել է Կայքում: Կայքը երաշխավորում է, որ գրանցված Բժիշկները նախքան գրանցումը ներկայացրել են համապատասխան բարձրագույն կրթությունը հավաստող վկայական, սակայն տեղեկացնում է, որ չի իրականացնում այդ վկայականների իսկության ստուգում:
Օգտատեր` ֆիզիկական անձ, որը համապատասխան վճարի դիմաց ցանկանում է օգտվել Կայքի միջոցով Բժիշկների կողմից առաջարկվող ինֆորմատիվ, ուղղորդող բնույթի տվյալներից: Ուշադրություն` 18 տարին չրացած անձիք իրավունք չունեն օգտվելու Կայքից: Իրենց փոխարեն դա կարող են կատարել նրանց օրինական ներկայացուցիչները` օրենքով սահմանված կարգով:
Ծառայություններ` Կայքի միջոցով, Բժիշկների կողմից, Օգտատերերին համապատասխան վճարի դիմաց տրամադրվում է ինֆորմատիվ, ուղղորդող բնույթի տվյալներ:
Կողմեր` Օգտատերերը, Բժիշկները և Կայքից օգտվող ցանկացած անձիք միասին հիշատակվելու դեպքում:
Առցանց` Օգտատիրոջ կամ Բժշկի`կայքում այդ պահին գտնվելը հավաստող կարգավիճակ /online/:
Գործողություններ` Օգտատերերի և Բժիշկների միջև ցանկացած շփում, ներառյալ /բայց չսահմանափակվելով/՝ Ծառայությունների մատուցումը:
3. Գրանցում և էջի փակում
3.1. Օգտատերը էջ բացելու համար պետք է այցելի hospitals.am կայք, որտեղ գլխավոր էջի գրանցման բաժնում հաջորդականորեն պետք է լրացնի պարտադիր համարվող դաշտերը։
Գրանցման համար պարտադիր լրացման ենթակա է հետևյալ տեղեկատվությունը.
• Բջջային հեռախոսահամար, որն օգտագործվում է որպես օգտատիրոջ, ծածկանուն/
• Գաղտնաբառը,
• Համաձայնություն առաջադրվող պայմաններին,
• Հայտարարություն 18 տարին լրացած լինելու վերաբերյալ։
3.2. Գրանցումն ավարտելուց հետո միայն Օգտատերը կարող է գործողություններ իրականացնել Կայքում:
3.3. Գրանցման ժամանակ տրամադրված տեղեկատվությունը հանդիսանում է գաղտնի և պաշտպանվում է Կայքի կողմից օրենքով սահմանված կարգով:
3.4. Էջից դուրս գալու համար Օգտատերը պետք է մուտք գործի իր անձնական էջ, կարգավորումներ բաժնից ընտրի <<դուրս գալ>> սանդղակը :
3.5. Էջը փակելու համար Օգտատերը պետք է գրավոր դիմի կայքի ադմինիստրացիային` մեր մասին էջում նշված կոնտակտների միջոցով:
3.6. Էջը փակելուց հետո , Օգտատերը կրկին կարող է գրանցվել սահմանված կարգով, ընդ որում միևնույն հեռախոսահամարով հնարավոր է գրանցվել միայն մեկ անգամ։ Էջը փակելուց հետո, փակված էջի տեղեկատվությունը վերանում է և վերականգնման ենթակա չէ:
4. Կողմերի իրավունքները և պարտականությունները
4.1. Օգտատերերը իրավունք ունի.
• Ցանկացած ժամանակ Կայքում առցանց գտնվող Բժիշկներին ուղղել իրեն հուզող համապատասխան հարցերը,
• Ցանկացած ժամանակ փակել իր էջը,
• Ինքնուրույն ընտրել իր համար նախընտրելի Բժշկին,
• Ընտրել Բժշկի հետ շփման իր համար ցանկալի եղանակ,
• Պահանջել Բժշկի օգնությանը դիմելու փաստի, իր առողջական վիճակի, հետազոտման, ախտորոշման և բուժման ընթացքում պարզված տեղեկությունների գաղտնիության ապահովում, բացի Հայաստանի Հանրապետության օրենսդրությամբ սահմանված դեպքերից:
4.2. Օգտատերը պարտավոր է.
• Կայքից օգտվել սույն կարգին համապատասխան,
• Գրանցման և կայքից օգտվելու ժամանակ տրամադրել միայն ճիշտ և հավաստի տեղեկատվություն,
• Չգրանցվել Կայքում որպես Օգտատեր, եթե 18 տարին չլրացած ֆիզիկական անձ է,
• Ոչ մի եղանակով չբեռնել, չներդնել և/կամ չօգտվել այնպիսի ծրագրերից, որոնք կարող են խաթարել կայքի աշխատանքը,
• Զերծ մնալ ցանկացած գործողությունների կատարումից, որոնք կարող են խաթարել և/կամ արգելափակել Կայքի աշխատանքը,
• Կայքի կողմից սահմանված կարգով վճարել իր կողմից ընտրված ծառայություններից օգտվելու դիմաց,
• Անհապաղ տեղեկացնել Կայքի ադմինիստրացիային /մեր մասին բաժնում տեղադրված կոնտակտի միջոցով/, իր իրավունքների խախտման, էջի վնասման, այլ անձանց կողմից իր էջ ապօրինի մուտք գործելու ցանկացած դեպքի վերաբերյալ,
• Չիրականացնել կրկնակի գրանցում Կայքում, չստեղծել մեկ Օգտատիրոջ մի քանի անձնական էջ,
• Չօգտագործել ավտոմատ ծրագրեր Կայք մուտք գործելու համար:
4.3. Բժիշկներն իրավունք ունեն.
• Ցանկացած ժամանակ Կայք մուտք գործելու միջոցով Օգտատերերին մատուցել Ծառայություններ,
• Ստանալ վարձատրություն իրենց կողմից մատուցվող Ծառայությունների դիմաց՝ Կայքի կողմից սահմանված կարգին և պայմաններին, ինչպես նաև Կայքի հետ իրենց կնքած պայմանագրին համապատասխան,
• Ընտրել Օգտատերերի հետ շփման ցանկալի եղանակ:
4.4. Բժիշկները պարտավոր են.
• Կայքից օգտվել սույն կարգին և Կայքի հետ կնքված պայմանագրի պայմաններին համապատասխան,
• Գրանցման և կայքից օգտվելու ժամանակ տրամադրել միայն ճիշտ և հավաստի տեղեկատվություն,
• Ոչ մի եղանակով չբեռնել, չներդնել և/կամ չօգտվել այնպիսի ծրագրերից, որոնք կարող են խաթարել կայքի աշխատանքը,
• Զերծ մնալ ցանկացած գործողությունների կատարումից, որոնք կարող են խաթարել և/կամ արգելափակել Կայքի աշխատանքը,
• Անհապաղ տեղեկացնել Կայքի ադմինիստրացիային /մեր մասին բաժնում տեղադրված կոնտակտի միջոցով/, իր իրավունքների խախտման, էջի վնասման, այլ անձանց կողմից իր էջ ապօրինի մուտք գործելու ցանկացած դեքպի վերաբերյալ,
• Ապահովել Օգտատիրոջ՝ իր օգնությանը դիմելու փաստի, առողջական վիճակի, հետազոտման, ախտորոշման և բուժման ընթացքում պարզված տեղեկությունների գաղտնիությունը, բացի Հայաստանի Հանրապետության օրենսդրությամբ սահմանված դեպքերից,
• Չօգտագործել ավտոմատ ծրագրեր` կայք մուտք գործելու համար,
• Անկախ օգտագործման նպատակից չտրամադրել իր գաղտնաբառը և Օգտատիրոջ անվանումը` երրորդ անձանց:
4.5. Սույն համաձայնագրով Բժիշկների հետ չկարգավորված փոխհարաբերությունները կարգավորվում են Բժշկի և Կայքի միջև կնքված պայմանագրով և ՀՀ օրենսդրությամբ սահմանված կարգով:
5. Հայտարարությունների տեղադրման կանոններ
5.1. Արգելվում է կայքում տեղադրել հետևյալ բովանդակությամբ հայտարարություններ և/կամ տեղեկատվություն.
• Գաղտնի կամ երրորդ անձանց վերաբերյալ տեղեկատվություն` առանց այդ անձանց համաձայնության,
• Երրորդ անձի հեղինակային իրավունքները խախտող,
• Բազմաթիվ քերականական և կետադրական սխալներ պարունակող, ինչպես նաև ստեղնաշարի ոչ ճիշտ /ավելորդ կամ բացակա արանքներ, հասարակ բառերը գրված մեծատառով և այլ/ կիրառման հետ կապված սխալներ պարունակող,
• Անպարկեշտ և պոռնոգրաֆիկ բովանդակությամբ,
• Ոչ պարկեշտ, վարկաբեկող և/կամ վիրավորական Կայքի վարչակազմի, Բժիշկների կամ այլ Օգտատերերի մասին,
• Կրոնական, ազգային, ռասայական կամ սեռական խտրականության կոչեր պարունակող,
• Բռնության, ապօրինի գործողությունների կոչեր պարունակող
• Էրոտիկ կամ պոռնոգրաֆիկ բնույթի ծառայությունների և ապրանքների վերաբերյալ,
• Այնպիսի ապրանքների կամ ծառայությունների վերաբերյալ հայտարարության տեղադրում, որի հրապարակումն արգելված է օրենքով, կամ հրապարակման համար պահանջվում է թույլտվության առկայություն,
• Այնպիսի հայտարարությունների տեղադրում, որոնց նպատակն է այլ կայքերի և/կամ կազմակերպությունների գովազդը և/կամ աջակցությունը,
• Տարածել հայտարարություն գոյություն չունեցող ապրանքների կամ ծառայությունների վերաբերյալ,
• Այլ կայքերին հղումների տեղադրում,
• Վնասակար ծրագրեր, վարակներ, հղումներ, սպամ,
• Վճարովի և/կամ վճարովի հեռախոսահամարներին վերահասցեագրված հեռախոսահամարներ պարունակող,
• Գովազդային տեղեկատվություն պարունակող կամ ցանկացած եղանակով որևէ ապրանք, ծառայություն, կազմակերպություն և/կամ անհատների գովազդ պարունակող,
• Այլոց իրավունքները ցանկացած եղանակով խախտող,
• Իրականությանը չհամապատասխանող, ոչ հավաստի, կեղծ:
5.2. Կայքի կողմից սահմանված կանոններին չհամապատասխանող հայտարարություն հայտնաբերելու դեպքում, Կայքի ադմինիստրացիան իրավունք ունի իր նախընտելի եղանակով, իր նախաձեռնությամբ հեռացնելու կամ արգելափակելու նմանատիպ հայտարարությունները՝ առանց բացատրության, իսկ կրկնակի խախտումներ հայտնաբերելու դեպքում` վերջնականորեն փակել կամ արգելափակել Օգտատիրոջ անձնական էջը:
6. Վճարովի ծառայություններ և դրանցից օգտվելու կանոնները
6.1. Կայքը հնարավորություն է ընձեռում Օգտատերերին օգտվելու Բժիշկների կողմից մատուցվող Ծառայություններից հաղորդագրության, զանգի կամ տեսազանգի միջոցով: Նշված երեք ծառայություններից յուրաքանչյուրն ունի իր արժեքը, որից հնարավոր է օգտվել միայն համապատասխան վճարում կատարելուց հետո:
Ծառայությունների դիմաց վճարումները կատարվում է hospitals.am – ի վիրտուալ դրամապանակի միջոցով, որը հնարավոր է լիցքավորել հետևյալ տարբերակներով
• Կատարել փոխանցում բանկային քարտից (Arca, Visa, Master),
• Ուղարկել SMS 1003 կարճ համարին՝ նշելով Օգտատիրոջ ծածկանունը, որը հնարավոր է գտնել անձնական մենյուի /լիցքավորում/ բաժնում: Մեկ SMS-ի արժեքն է 1000 /մեկ հազար/ ՀՀ դրամ:
6.2. Օգտատերերը կարող են օգտվել Բժիշկների կողմից մատուցվող ծառայություններից հետևյալ սակագներով.
• Մեկ հաղորդագրության արժեքը 50 դրամ է /առավելագույնը 1500 /մեկ հազար հինգ հարյուր/ տառ և/կամ սիմվոլ/,
• Ձայնային զանգի մեկ րոպեի արժեքը 200 դրամ է,
• Տեսազանգի մեկ րոպեի արժեքը 300 դրամ է:
6.3. Վճարովի Ծառայությունների համար գումարը գանձվում է / հաշվարկը սկսվում է/ Բժշկի կողմից Օգտատիրոջը պատասխանելու պահից:
6.4. Մեկ հաղորդագրության համար սահմանված տառերի և/կամ սիմվոլների առավելագույն քանակը 1500 /մեկ հազար հինգ հարյուր/ է, և եթե Օգտատերը նշում է սահմանված քանակից ավել տառ և/կամ սիմվոլ, ապա համակարգն այն ավտոմատ կերպով ընկալում է որպես երկրորդ հաղորդագրություն, և այսպես շարունակ Օգտատիրոջ հավաքած տառերին և/կամ սիմվոլներին համապատասխան:
6.5.Զանգի և տեսազանգի համար սահմանված ժամը լրանալու դեպքում կապն ավտոմատ կերպով ընդհատվում է և ցանկության դեպքում Օգտատերը կարող է կրկին օգտվել նշված կապի միջոցներից:
6.6. Օգտատիրոջ հաշվին գումարի անհրաժեշտ քանակության բացակայության դեպքում ծառայությունները չեն ակտիվանում:
6.7. Վճարման համաձայնագիր
Օգտատիրոջ կողմից կատարված վճարումները ոչ մի դեպքում ենթակա չեն հետ վերադարձման, անկախ այն հանգամանքից, թե Օգտատերը ստացել է իրեն հուզող հարցերի պատասխանը թե ոչ, և/կամ մատուցված Ծառայությունները որքանով են բավարարում Օգտատիրոջ պահանջները և/կամ ակնկալիքները, որակյալ են արդյոք, թե ոչ, և/կամ կապի ծածկույթը բավարարել է նմանատիպ ծառայությունից օգտվելու համար:
7. Գաղտնիություն
7.1. Կողմերն իրենք են կրում իրենց կողմից ընտրված գաղտնաբառի անվտանգության համար պատասխանատվություն, ինչպես նաև ինքնուրույն ապահովում գաղտնաբառի գաղտնիությունը երրորդ անձանցից: Երրորդ անձանց իրենց գաղտնաբառը տրամադրելու /ներառյալ, բայց չսահմանափակվելով անփութության, անուշադրության կամ իր կամքից անկախ պայմաններում ցանկացած եղանակով գաղտնաբառը և օգտատիրոջ անունը երրորդ անձանց հայտնի դառնալը/ պարագայում դրա հետևանքով առաջացող ցանկացած հետևանքի համար ռսիկերը և պատասխանատվությունը կրում է տվյյալ Կողմը: Ընդ որում Կողմերի Օգտատիրոջ անունից կատարած ցանկացած գործողություն համարվում է Կողմերի կողմից կատարված ու իրավունքներ և պարտականություններ է ստեղծում անմիջականորեն նրանց համար, բացառությամբ այն դեպքերի, երբ Կողմերը սույն կանոններին համապատասխան տեղեկացրել են Կայքի ադմինիստրացիային իրենց գաղտնաբառի և օգտատիրոջ անվանման գաղտնիության խախտման վերաբերյալ:
7.2. Անվտանգության նկատառումներից ելնելով Կողմերն իրենք են պարտավոր պահպանել Կայքից օգտվելու համար սահմանված կանոնները, ներառյալ /բայց չսահմանափակվելով/՝ Կայքում գործողությունները կատարելուց հետո Ելք կատարել իրենց անձնական էջից:
7.3. Կայքը չի կրում ոչ մի պատասխանատվություն Կողմերի կողմից անվտանգության կանոնների խախտման պատճառով առաջացած ոչ մի հետևանքի համար, ներառյալ /բայց չսահմանափակվելով/՝ Կողմերի անձնական էջի օգտագործման, տեղեկատվության կորուստի կամ խեղման և այլ դեպքերի:
7.4. Օգտատիրոջ կողմից Բժշկի օգնությանը դիմելու փաստը, առողջական վիճակը, հետազոտման, ախտորոշման և բուժման ընթացքում պարզված տեղեկությունները գաղտնի են, բացի Հայաստանի Հանրապետության օրենսդրությամբ սահմանված դեպքերից:
8. Պատասխանատվություն
8.1. Կայքը Կողմերի միջև իրականացվող Գործողությունների մասնակից չի հանդիսանում, բոլոր Գործողությունները Կողմերի միջև իրականացվում են ուղղակիորեն: Կայքը չի ստուգում Օգտատիրոջ կամ Բժշկի կողմից տեղադրված ոչ մի տեղեկատվության իսկություն, և համապատասխանաբար ոչ մի պատասխանատվություն չի կրում Կողմերի Գործողությունների, անգործության, մատուցած Ծառայությունների, տրամադրած տեղեկատվության իսկության համար:
8.2. Կողմերն իրենք են կրում Կայքից օգտվելու հետ կապված բոլոր ռիսկերն ու պատասխանատվությունը:
8.3. Կայքը չի հանդիսանում բժշկական կազմակերպություն և ոչ մի եղանակով չի երաշխավորում Բժիշկների մասնագիտական կարողություններն ու որակավորումը:
8.4. Կայքը չի բացառում սխալների առկայությունը, անճշտություններ, ընդհատումները կայքի աշխատանքում, ինչպես նաև Օգտատերերի կողմից տեղադրված հղումներում, ռեսուրսներում վարակների առկայությունը: Կայքը պատասխանատվություն չի կրում կայքում տեղ գտած հղումների, ազատ հասանելիության տեղեկատվության տեղադրելու համար:
9. Անցումային դրույթներ
9.1. Եթե Կողմերը տրամադրում են ոչ հավաստի տեղեկատվություն, ապա Կայքն իրեն իրավունք է վերապահում իր ընտրությամբ դադարեցնելու Կողմերի՝ Կայքից օգտվելու հնարավորությունը կամ փակել նրա էջը՝ առանց նախնական և/կամ հետագա ծանուցման:
9.2. Կայքն իրավունք ունի ցանկացած պահի օրինական ցանկացած եղանակով ստուգել Կայքին տրամադրած Կողմերի տեղեկատվության իսկությունը: Ուստի Կայքն իրավունք ունի պահանջել ներկայացնելու տեղադրված տեղեկատվությունը հավաստող ապացույցներ: Այդ ապացույցները ներկայացնելուց հրաժարվելն իրավունք է տալիս Կայքին իր ընտրությամբ դադարեցնելու Կողմերի՝ Կայքից օգտվելու հնարավորությունը կամ փակելու նրա էջը՝ առանց նախանական և/կամ հետագա ծանուցման:
9.3.Կայքը իրավասու է ցանկացած ժամանակ, առանց նախնական ծանուցման կամ որևէ համաձայնության, կատարելու ցանկացած փոփոխություն Կայքի աշխատանքներում, արտաքին տեսքում և սույն համաձայանագրում, և դրանք ուժի մեջ են մտնում կայքում տեղադրվելուց անմիջապես հետո: Եթե անգամ Կողմերը սկսել են օգտվել կամ գրանցվել են Կայքի կանոնների նախորդ խմբագրման ժամանակ, ապա փոփոխությունների պարագայում դրանք տարածվում են նաև նրանց վրա և եթե Կողմերը համաձայն չեն Կայքի կողմից սահմանված նոր կանոններին, ապա պարտավոր են դադարեցնել կայքից օգտվելը:
9.4.Կայքը կգործադրի բոլոր հնարավոր ջանքերը` կայքի բնականոն աշխատանքն ապահովելու համար:
9.5.Եթե որևէ պատճառով Կայքի սահմանված կանոններից որևէ մեկը դառնում է անվավեր և/կամ ուժը կորցնում է, ապա դա չի տարածվում կանոնների այլ կետերի վրա:
9.6. Կայքի` իր իրավունքներից չօգտվելը չի սահմանափակում նրա հնարավորությունը հետագայում օգտվելու իր այդ իրավունքներից և ոչ մի պարագայում չի կարող մեկանաբանվել, որպես իր իրավունքներից հրաժարվել:
9.7. Կողմերը գիտակցում են, որ Կայքի միջոցով Գործողությունների կատարումը հանդիսանում է համացանցի միջոցով և չի կարող փոխարինել մասնագիտացված բժշկական ծառայություններ մատուցող կազմակերպություն այցելելու ճանապարհով բժշկական խորհրդատվություն և օգնություն ստանալուն:
9.8. Կողմերն ընդունում են, որ համացանցի /հեռավորության վրա/ միջոցով կատարվող Գործողությունների արդյուքնում կարող է մատուցվել ոչ ճիշտ Ծառայություն, ինչի կապակցությամբ հրաժարվում են միմյանց և/կամ Կայքին որևէ պահանջներ ներկայացնելու իրավունքից՝ կապված մատուցվող Ծառայությունների որակի հետ, եթե Ծառայությունների մատուցման վատ որակը պայմանավորված է համացանցով /հեռավորության վրա/ այն մատուցելու հետ:
9.9. Բժիշկները չեն հանդիսանում Կայքի աշխատակիցներ և ոչ մի եղանակով Կայքի հետ աշխատանքային հարաբերությունների մեջ չեն գտնվում: Կայքի միջոցով բժիշկների կողմից տրամադրվում են միայն ինֆորմատիվ, ուղղորդող բնույթի տվյալներ, ինչը չի հանդիսանում բժշկական օգնություն և սպասարկում, այլ նպատակ ունի աջակցելու Կայքի այցելուներին պատշաճ, օրենքով թույլատրված բժշկական օգնություն և սպասարկում, ներառյալ խորհրդատվություն ստանալուն ուղղված իրազեկման գործում, ուստի <<Բնակչության բժշկական օգնության և սպասարկման մասին>> ՀՀ օրենք-ը չի տարածվում սույն իրավահարաբերությունների վրա, իսկ ՀՀ առողջապահության նախարարությունն ու Կայքը նման ծառայությունների տրամադրման գործում որևէ պատասխանատվություն չեն կրում:
9.10. Կայքից օգտվելը կամ գրանցվելն ինքնին հանդիսանում է համաձայնություն սույն համաձայնագրով սահմանված կանոնների հետ՝ առանց որևէ բացառության և/կամ սահմանափակման:
9.11. Կայքից օգտվելը կամ գրանցվելն ինքնին հաստատում է, որ Կողմերը չափահաս են և գործունակ:
9.12. Եթե Կողմերը համաձայն չեն Կայքի կողմից սահմանված կանոնների հետ, ապա նրանք իրավունք ունեն հրաժարվել Կայքից օգտվելուց:
9.13. Սույն օգտատիրոջ համաձայնագիրը նախատեսված է Կողմերի պարտադիր ծանոթացման համար:
9.14. Սույն կանոնները տարածվում են Կայքից բոլոր օգտվողների վրա և գործում են անժամկետ:
